Од 30.04.2009 год. до 04.05.2009 год., во посета на Евангелско-методистичката Црква во Македонија, беа претставниците на Методистичката Црква од Велика Британија – заменик претседателот, господин Ричард Вотреј (Richard Vautrey) со неговата сопруга Ен (Ann Vautrey), во придружба на коордринаторот за Европа, Колин Рајд (Colin Reit). 

  Тие го посетија Секретаријатот на Црквата во Струмица , каде што надзорниот проповедник, Михаил Цеков, заедно со неговата сопруга Кристина Ценок, на гостите од Велика Британија, ги запознаа со работата на Црквата во Република Македонија, како и со активностите на Социјалната Служба на Црквата, а посебно со проектот „Јадење на тркала“. При оваа посета беа присутни и супертендентот Вилфрид Наузнар заедно со неговата сопруга Џин. Тие имаа можност да ги посетат Заедниците во Струмичкиот регион, Кочани и Скопје.